意大利 Italia · 佛羅倫斯 Firenze

要靚唔要命:港女不能(不)去的佛羅倫斯影相位 + 攻頂攻略

呢幾集《跟住矛盾去旅行》去到意大利佛羅倫斯,我唔知Shiga去左邊度,今次要介紹一個好多人都知,但就未必好多人上過嘅自拍景點比各位——聖母百花聖殿大圓頂和鐘樓!

(攻頂小貼士在文末)

為什麼這是港女不能(不)去的佛羅倫斯影相位?

原因很簡單,不能去的原因,太高太辛苦了,要上上落落1800級樓梯,第二日去不了shopping~

不能不去的原因,登頂後有世界級浪漫同靚的紅屋頂小屋景,無論放不放上FB呃Like都值回票價啦~~

雖然我身子弱(參見前篇:有咩慘得過去旅行作感冒?——帶病出行二三事),但為了這個傳聞中一樣雄麗壯闊的景色,唉就豁出去吧!!

話說本身聖母百花大教堂已經係超靚!莫嘉麻麻地喜歡其他金碧輝煌類教堂,見到這個design典雅,又match佛羅倫斯紅頂氣場嘅教堂建築群,簡直一見傾心!

這就是要登的大圓頂,幅大型壁畫《最後的審判》畫得好精緻,但其實那時候登頂前見到咁高我都已經淆淆地。

料事如神的古人說:「欲窮千里目,更上一層樓。」我在佛羅倫斯實地考察,要上聖母百花大教堂的圓頂,可不只一層樓這麼簡單 !為了看這片紅屋頂海洋,爬了900級樓梯!(差不多是我的一年運動量)

兩年前的票是可以分開買的,現在不能分開買,要買張€15的OPA Pass,一次過可以進入教堂圓頂、鐘樓和洗禮堂等五個教堂景點~

攀爬最忌看不到終點(我說的XD),上圓頂要爬463級樓梯,爬到大約四分一路程,已經支力到不行。但當我見到個窗仔,真係「嘩」一聲,為了睇靚景唯有頂硬上啦 T_T

兩座高樓也挺難爬,圓頂的樓梯又斜又窄,登頂最後二十級還是單線行車,要排隊上下樓梯…… 慶幸自己不是太肥,有D位真係見過有人卡住進退不得 LOL

終於登頂!!!!!!行到我臉容扭曲,滴汗加氣喘 -_-

在瑞士時,Buddy的室友大衛跟我們談起這個圓頂:

Really romantic, you’ll know how amazing is it!

這個聲情並茂的可愛胖子,說到最後還深深嘆了一口氣,感慨景色的美妙。也真的,的確很breathtaking,上到去完全回不過氣來 XD

不過還是很值得啦,上面可以360度睇佛羅倫斯全景,仲有木櫈任坐,真的好貼心哈哈!然後幾經辛苦上到去的我,大拍特拍一輪,又hea坐一輪,影夠睇夠,終於捨得去攻另一座巨塔——喬托鐘樓!

個人認為喬托鐘樓比較易走,雖然也有414級樓梯,但實際分了四層,可以每行完100級來個小休,再繼續攻頂。可惜莫嘉是先爬了無中停站的圓頂 (-_-|||),也好,爬鐘樓變了Easy job! (好似係)

上到鐘樓只有兩樣東西影,圓頂和圓頂上的人~ 圓頂太近又太巨大,加上鐘樓上面有鐵絲圍欄,其實頗難影到圓頂全相。更要命的是,上到去時天公不做美,開始落毛毛雨 T_T 最後一張相就是在躲避雨滴的情況下拍的,嗚嗚!

13100828_584865961694475_773191064342042456_n

佛羅倫斯攻頂小攻略:

1. 最佳攻頂時間:早上11時前 – 正所謂「早起的鳥兒有蟲吃」,越早人越少是常識吧!至少無一車車旅行團同你爭~ 太遲上圓頂真係有可能要在密不透風的樓梯排隊架!

2. 誰先誰後?:如果你體質差,我建議先上鐘樓,始終有三層比你休息嘛!

如果你驚影唔到靚相,for sure,一定是先上圓頂,爬400級加睇景至少要一小時,一小時可以發生好多事~ 如果你帶住阿媽去旅行,莫嘉聽日介紹另外一個輕鬆D嘅地方比你,stay tuned!

3. 如何影到最佳美景?:最好夏天去,上一次來佛羅倫斯時萬里無雲,藍天小屋靚到暈!冬天降雨機率比較大,我就是不幸的例子 T_T

4. 有什麼要準備?:

一、廣角鏡,越wide就影到越多小屋,個頭又無咁大,Must-bring item!

二、一雙舒服的鞋,行1800級樓梯唔著運動鞋的話,你晚上/隔天便會後悔,嘿嘿!

三、會拍照的(男)朋友,獨遊的話,勇敢點在圓頂上邀請其他旅行互拍吧~

🔸🔹🔸🔹🔸🔹🔸🔹🔸🔹🔸

 😆 Facebook page或Instagram還有更多旅遊分享:

Instagram: @monka.ng

Facebook Page: 

🔸🔹🔸🔹🔸🔹🔸🔹🔸🔹🔸

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s