謝謝歌詩達遊輪的邀請，今天上了郵輪感受一下歎世界的生活～
好喜歡郵輪的名字：「歌詩達郵輪幸運號 Costa Fortuna」好意頭丫嘛！這隻郵輪有「海上博物館」和「航海業」兩大主題，充滿意式風味！
Costa Fortuna停泊喺九龍啟德郵輪碼頭，今日有三架船來港，但因為泊位得兩個，有一架焗住泊去貨櫃碼頭嗰頭XD
上船啦～~
Reception位，廿四小時開放，操六國語言嘅工作人員，小薯編一上到船就係係咁同我Ni hao ni hao⋯⋯
歌詩達郵輪隸屬於歐洲郵輪嘉年華集團，每年接待2200萬旅客，當中歐洲客較多。 歌詩達每隻船都有自己嘅主題，例如時裝同古羅馬等，好盞鬼！而Costa Fontuna嘅主題就係「海上博物館」同「航海業」，不難發現船上擺放好多藝術品和名畫，同一啲航海用具、船隻模型等等。
餐廳門口就有模型啦～
船上嘅游泳池似足以前大學d common area，一堆堆遊客聚喺附近曬太陽或者開餐。而好有意大利特色好歡樂嘅係，游泳池會因應不同主題而有不同嘅裝飾，今日小薯編就撞正「白色主題」～
有人話坐郵輪係歎世界嘅代表，小薯編上到郵輪又真係見到巧多遊客好他條咁喺度又食又攤～等薯編介紹一下幸運號郵輪上面有咩好食有咩好玩先！
「薩瓦伯爵大酒吧」呢個地方又叫Heart of Ship，每晚會有特別活動同遊戲（例如BINGO）
郵輪常見的「另類遊戲地帶」！出咗公海先有得玩㗎～
另一個比較多人關心嘅就係住宿問題，幸運號房型適中，今次小薯編參觀了露台同不附露台兩款。
當然最有意式風味就係menu同美食，幸運號嘅意式午餐都幾好味，菜單極有意大利特色——即係用意大利文寫，大部分都係睇唔明嘅XDD 多得侍應哥哥的解說和幫助，成功點了菜✌🏻️想不到船上餐飲比得上羅馬的正宗意國菜，回想起也覺得好肚餓😂
腦細告訴我原來船上的餐飲是任食的，歌詩達郵輪的美食會是吸引我去上郵輪的原因～
紅蘿蔔忌廉湯
Baked Maccheroni Ferretto Palermitana style — 巴勒莫風格通心粉
主菜：（左）Chicken Giambonetto with mashed potato and cauliflower
（右）Pan fried Pangasius fillet with lemon butter, parsley potato and garden vegetables
甜品：Sorbet Melon
歌詩達擁有15艘在役的意大利籍郵輪，郵輪集團相當重視大中華區市場，將會喺2019至20年打造兩條亞洲新船。嚟緊七至十月會郵輪套餐，分別前往日韓同新馬，主推合家歡狂歡，有興趣朋友可以上返歌詩達郵輪官網睇返：
🔸🔹🔸🔹🔸🔹🔸🔹🔸🔹🔸
😆 Facebook page或Instagram還有更多旅遊分享：
Instagram: @monka.ng
Facebook Page: Monka 莫嘉的漫遊地圖
🔸🔹🔸🔹🔸🔹🔸🔹🔸🔹🔸
Wanderlust Monka 