來瑞士要上雪山是常識吧！上次只遠眺了幾眼，今次終於可以親身登山了🏃

本來是想上少女峰的，但由於車程要十小時，價錢更是double！如果不中停Interlaken，又花時期又花錢，實在不太化算，所以還是轉戰鐵力士峰。

有人說鐵力士是閤家歡登山地，的確我們一路上都見到家庭滑雪隊。上雪山要買CHF62的吊車票，然後便可以一直坐到3028米～

鐵力士峰是阿爾卑斯山脈入面一座好出名的風景區靚山，今次登山要坐吊車，不同於海洋公園果種，大大架，不過一樣你一郁就會跟住郁，唔多穩陣XD。

呢款係Titlis Xpress，車上面印住唔同國家國旗。其實坐係入面都幾暖，同旅伴一齊輪流開窗影景（回想都覺得好危險，小朋友唔好學~）

呢款係Titlis Rotair，可以容納到80人！

上雪山也有驚險小插曲：話說因為風太大，在Engelberg車站旁的Information Centre被告知因為安全問題只能上到山腰位一個叫Stand的中途站，有點失望，後來買飛counter大叔又話我地知開返，真幸運～

近排有Twins演唱會，「大眾回憶」又再被挖出黎研究研究。作為一個九十後沸青，小學童年回憶莫過於尼奧寵物Neopets！

以前玩Neopets，每到聖誕就有聖誕大甩賣同打雪仗。前排去倫敦無落雪，無得過白色聖誕，好彩今次上鐵力士峰可以瘋狂掟雪⛄❄

同場加映：大風吹～碌ing in the winter wonderland 套用老掉牙的一句：「真係唔可以睇少大自然威力呀～」

花了一整天時間在雪山上，早上還有點陽光，中午時分突然起風，我地起初見到大雪飄飄好興奮，去到後來風太大能見度急降，實在不得不走入室內避寒！

雪山初體驗，都幾開心幾難忘，希望下次可以出征瑞士其他三大名峰啦！

*

交通：蘇黎世 – 琉森 Luzern – 恩格堡 Engelberg ：車程約一個半小時，中停琉森約15-30分鐘，剛夠出去轉一圈看看河景～

到達Engelberg車站纜車站後步行10-15分鐘到鐵力士山的纜車站。

–

🔸🔹🔸🔹🔸🔹🔸🔹🔸🔹🔸

😆 Facebook page或Instagram還有更多旅遊分享：

Instagram: @monka.ng

Facebook Page: Monka 莫嘉的漫遊地圖

🔸🔹🔸🔹🔸🔹🔸🔹🔸🔹🔸