啊~ 又到秋天~ 呢個時候天氣涼，適宜去郊遊同登高望遠，上個星期，莫嘉就去了行山，順便追追芒草的尾巴 XD

今次有師兄帶路，去大嶼山另一座山－－老虎頭行山睇芒草！

一講芒草，大家都會諗起大東山，不過自近年刮起「山系風」，大東山正式淪陷成「MK山」，芒草季時每個weekend都多人過旺角，去到都唔知係睇景定睇人頭……

而老虎頭位於大嶼山東北部近愉景灣一帶，屬北大嶼郊野公園擴建部分，全長3.4公里。今次莫嘉由愉景灣出發，至東涌映灣園結束，全程約10公里，走走拍拍，耗時5個多小時。

交通方法：
去程：(MTR) 欣澳 > (Bus) DB03R > 愉景灣碼頭換乘3號區內巴士於寶峰總站下車
回程：白芒村 > 映灣園 > 坐A車離開

愉景灣背靠北大嶼山，而老虎頭，就成為了愉景灣居民嘅後花園，屋苑後都有路可通老虎頭。老虎頭郊遊徑到亞婆塱一段比較好行，除非你想走回頭路，唔係嘅話，莫嘉強烈建議你從愉景灣出發！

（Tips: 聽山友講，寶峰寶琳閣旁嘅山徑最接近，都係最易行。）

其實愉景灣沙灘都好靚！唔行山都可以在愉景灣hea下，可以曬曬太陽玩玩水，或者行去三角教堂拍照。

上山了～ 初時路段比較窄，無石級，需要手腳並用，有外國山友會帶埋中型狗行山，山路窄上加窄～ 幸好雖然無石級，但石頭都幾穩陣，唔會跣親。

從愉景山道出發，只有上山一段路係無路可走，過了老虎頭，其後都有鋪設得很好的山路。沿途景觀十分開揚，可以鳥瞰整個愉景灣的景色。

入正題！老虎頭芒草分布在半山腰至「虎背」平原之上，芒草生長速度迅速，在半山草叢位置已經有零零散散芒草出現。去到虎背平原，更是有一大片芒草原！！！

芒草拍攝小Tips:
1. 影腳 - well a little bit MK 但對腳行得咁辛苦，都要慰勞一下 check 下in嘅 XD
2. 芒草大特寫 - 淺景深 blur左自己，適合想扮低調唔出樣的朋友(笑)
3. 芒草與我 - 走入芒草堆，營造偽仙氣效果！影還影，注意不要破壞大自然啊～

草原廣闊得像牧場！竟然有小路供遊人走到草叢中影相。

去到山路後半段仲有好多景觀開揚的靚景，可惜太陽就快下山，要趕路所以無太多時間影相～

去到路程後半段，你應該會十分慶幸，你上山時選擇了一條比較陡峭嘅路…… 媽媽教落「先苦後甜」的道理永遠是對的，之後嘅路超級易行，主要都係因為山路開闢得好，去到最尾四分之一路程甚至有石屎級！

之後在老虎頭郊遊徑起點「亞婆塱」行約1小時便可到達東涌白芒村。到達後，可坐嶼巴36線到東涌市中心，然而我當日唔知咩事徒步走出市中心，that’s why最尾總路程行左接近10km -_-

Final remarks 注意事項：
1. 山上無樹蔭，一定要查好防曬，同帶帽／雨傘！
2. 部分路段有雜草同樹枝攔路，唔想刮損要著長褲啊～

Wish you a safe and happy journey 😀

–

🔸🔹🔸🔹🔸🔹🔸🔹🔸🔹🔸

Facebook page或Instagram看更多旅遊分享

Instagram: @monka.ng

Facebook Page:

🔸🔹🔸🔹🔸🔹🔸🔹🔸🔹🔸