澳門 Macau

【夜遊澳門】中秋佳節美食閒遊篇

澳門離香港不過一個鐘頭船程,對工作繁忙又少機會去遠遊的香港人來說,絕對是個長週末鬆一鬆之選!

上個weekend,莫嘉又去了轉澳門,發現在日光日白瘋狂食食食之外,夜色裡的澳門都好好玩!

喺置地廣場酒店settle down後,就坐巴士去「河邊新街」搵葡國菜食,可以功虧一簣,唔記得book位😭😭😭 即刻轉陣食另一間,點知發現新驚喜😍😍

image

【必 Brilliant Gourmet】 烤乳豬飯 $82

地址:下環河邊新街288豐順新邨第三座地舖

以前一講起葡國菜,通常都會諗起葡國雞牛尾乜乜乜,乳豬係傳統葡國菜真係我孤陋寡聞、聞所未聞~~~XD

講返道菜,乳豬真係好香好香,未到枱邊已經聞到陣味!口感方面,乳豬皮略嫌烤得太硬,乳豬肉嫩多汁,配埋個飯真係不得了。

(中伏警示:男朋友叫左個海鮮飯,好腥好嘔心😵 偷睇到隔離枱個葡汁雞飯很不錯,可以一試)

食完乳豬飯再沿河邊新街往媽閣反方向行,巧遇糖水小檔,$15/16一碗中份量糖水!凍咋咋同熱芝麻糊都好正😋😋

再黎世界級街頭小食【明記牛雜】!位處於 新馬路爐石塘巷路口,仲係用炭火整嘅家庭作業,好有風味,陣香辣牛雜味幾個街口外已經聞到!

試左牛肚同魷魚串,少辣兩串盛惠$32大元。成日好驚食到d淋滋滋牛雜,明記處理得好爽口,隻辣味帶有微辛,我平日食唔到辣都覺得辣得黎好正😋😋😋

行到新馬路嗰頭,梗係要睇下「澳門花燈節」啦!

議事堂前地同大三巴嗰頭,已經佈置好好多好有傳統特色嘅花燈😍

今年花燈節以「月下花間」作主題,澳門各主要街道、廣場、公園、圓形地,如民政總署大樓、議事亭前地、大三巴前地、媽閣廟前地等共六十六個地點都有節日燈飾睇架!

另外,喺澳門花燈節期間 (3/9-10/10),壹號廣場海濱長廊則有澳門著名藝術家馬若龍及多位港澳及北京藝術家攜手製作之兔型花燈,免費入場,經過都可以睇睇。

image

中秋節是個「人月兩團圓」的佳節,莫嘉在此祝各位節日快樂☺️☺️☺️

鳴謝:澳門旅遊局

🔸🔹🔸🔹🔸🔹🔸🔹🔸🔹🔸

覺得還不錯的話,我的Facebook page或Instagram還有更多旅遊分享,謝謝 😆

Instagram: @monka.ng

Facebook Page: 

🔸🔹🔸🔹🔸🔹🔸🔹🔸🔹🔸

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s